ໜ່ວຍສະຫະພັນແມ່ຍິງ ຫໍສະໝຸດແຫ່ງຊາດ ໄດ້ເປີດກອງປະຊຸມໃຫຍ່ ຊຸດທີ IX ຂື້ນຢ່າງເປັນທາງການ ໃນວັນທີ 29 ມີນາ 2019 ພາຍໃຕ້ການເປັນປະທານຂອງທ່ານ ປອ. ບົວໄຂ ເພັງພະຈັນ ຄະນະພັກກະຊວງ, ຮອງປະທານສະຫະພັນແມ່ຍິງກະຊວງ, ຫົວໜ້າກົມພິມຈຳໜ່າຍ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ທ່ານ ນາງ ຂັນທະມາລີ ຍັງນຸວົງ ອຳນວຍການຫໍສະໝຸດແຫ່ງຊາດ ແລະ ທ່ານ ນາງ ບຸນມີ ພົນສະຫວັນ ປະທານໜ່ວຍສະຫະພັນແມ່ຍິງ ຫໍສະໝຸດແຫ່ງຊາດ ຊຸດທີ VIII ນອກນັ້ນກໍຍັງມີຕາງໜ້າອົງການຈັດຕັ້ງມະຫາຊົນ ແລະ ເອື້ອຍນ້ອງແມ່ຍິງຫໍສະໝຸດແຫ່ງຊາດ ເຂົ້າຮ່ວມຢ່າງພ້ອມພຽງຈຸດປະສົງກອງປະຊຸມ ເພື່ອຄັດເລືອກເອົາຄະນະປະທານສະຫະພັນແມ່ຍິງຫໍສະໝຸດແຫ່ງຊາດຊຸດໃໝ່.
