ການເກັບສະສົມ

ຫໍສະໝຸດແຫ່ງຊາດຍັງຮັກສາການເກັບສະສົມປຶ້ມ, ບົດຄວາມດ້ານວິຊາການ, ວາລະສານ, ໜັງສືພິມ, ດົນຕີ, ເຄື່ອງດົນຕີ, ແຜນທີ່, ຜົນງານຕົ້ນສະບັບແລະຜົນງານທີ່ບໍ່ໄດ້ຮັບການເຜີຍແຜ່. ຫໍສະໝຸດຍັງມຸ່ງໜັ້ນທີ່ຈະກໍ່ສ້າງການເກັບສະສົມແບບດີຈີຕໍເພື່ອເຮັດໃຫ້ການເຂົ້າເຖິງຜູ້ຊົມໃຊ້ໃນລະດັບທີ່ກວ້າງຂຶ້ນ.

ນະໂຍບາຍພັດທະນາການເກັບສະສົມ

ຄຼິກບ່ອນນີ້ເພື່ອເຂົ້າເບິ່ງຫຼືດາວໂຫຼດສຳເນົານະໂຍບາຍສະບັບນີ້

NLL Collection Development Policy v.1-Lao

ການເກັບສະສົມດ້ວຍດີຈີຕໍ

• ການເກັນສະສົມໜັງສືຜູກໃບລານແບບດີຈີຕໍຂອງ ຫສຊ http://www.laomanuscripts.net/en/index
• ການເກັບສະສົມດົນຕີພື້ນເມືອງລາວແບບດີຈີຕໍຂອງ ຫສຊ http://www.seasite.niu.edu/lao/
• ການເກັນສະສົມຮູບພາບກ່ຽວກັບລາວແຕ່ສະໃໝອິນດູຈີນແບບດີຈີຕໍຂອງ ຫສຊ

EResources

ການເກັບສະສົມປຶ້ມ

ການເກັບສະສົມປຶ້ມຂອງຫໍສະໝຸດລວມມີປື້ມພາສາລາວກໍ່ຄືການສະສົມປຶ້ມພາສາອັງກິດ, ຝຣັ່ງ, ໄທ, ຫວຽດນາມ, ເກົາຫຼີ, ຢີ່ປຸ່ນແລະລັດເຊຍ. ການພັດທະນາຂອງການສະສົມປຶ້ມທີ່ເປັນພາສາລາວແມ່ນໜຶ່ງໃນບູລິມະສິດສູງສຸດຂອງຫໍສະໝຸດແຫ່ງຊາດ.

ການສະສົມເອກະສານອ້າງອີງມີຈຳນວນທັງໝົດ 5000 ຫົວນັບທັງເປັນເລື່ອງດຽວແລະຫຼາຍເລື່ອງໃນຊຸດໜຶ່ງ. ປຶ້ມເຫຼົ່ານີ້ສ່ວນຫຼາຍແມ່ນເປັນພາສາອັງກິດແລະມີຈຳນວນໜ້ອຍທີ່ເປັນພາສາລາວ.

ການເກັບສະສົມສຳລັບເດັກ

ການສະສົມປຶ້ມສຳລັບເດັກລວມມີ ປຶ້ມປະກອບຮູບທີ່ເປັນພາສາລາວແລະປຶ້ມປະກອບຮູບທີ່ເປັນພາສາຕ່າງປະເທດເຊັ່ນ ພາສາອັງກິດ, ຝຣັ່ງ, ໄທແລະຢີ່ປຸ່ນ. ບູລິມະສິດສຳລັບຫ້ອງສະໝຸດແມ່ນສືບຕໍ່ກໍ່ສ້າງການສະສົມປຶ້ມເດັກທີ່ເປັນພາສາລາວແຕ່ກໍ່ເປີດກວ້າງຮັບເອົາການບໍລິຈາກປຶ້ມສຳລັບເດັກທີ່ເປັນພາສາຕ່າງປະເທດ, ໂດຍສະເພາະແມ່ນພາສາອັງກິດ.

ການເກັບສະສົມໜັງສືຜູກໃບລານ

ຫໍສະໝຸດແຫ່ງຊາດມີການສະສົມໜັງສືຜູກໃບລານຫຼາຍກວ່າ 1500 ຜູກແລະບາງຜູກມີອາຍຸຢ້ອນຫຼັງໄປຫຼາຍກວ່າ 400 ປີ. ໜັງສືຜູກປາກົດມີສີ່ອັກສອນລວມມີ ອັກສອນທຳ, ແລະ ເກົ້າພາສາລວມມີ ພາສາລາວແລະພາສາບາລີ. ໜັງສືຜູກນີ້ໃຫ້ຄວາມເຂົ້າໃຈທີ່ເປັນເອກະລັກຂອງຄວາມຮູ້ດັ້ງເດີມຂອງລາວນັບແຕ່ ກົດໝາຍ, ການແພດ, ປັດສະຍາແລະສາດສະໜາຈົນເຖິງນິທານພື້ນເມືອງ.

http://www.laomanuscripts.net/en/index

Acknowledgement Required

ການເກັບສະສົມດົນຕີພື້ນເມືອງ

ໂຄງການນີ້ໄດ້ສ້າງການສະສົມການບັກທຶກສຽງຫຼາຍກວ່າ 3000 ຊຸດ, ເກືອບ 100 ຊົ່ວໂມງຂອງການບັນທຶກພາບແລະພາບຖ່າຍ, ການສຳພາດ, ບົດບັນທຶກ, ຮູບແຕ້ມ, ເຄື່ອງດົນຕີແລະການສຳພາດຈາກ 20 ກຸ່ມຊົນຊາດຊົນເຜົ່າໃນທົ່ວປະເທດ.

ນອກຈາກນັ້ນ, ຫໍສະໝຸດຍັງຮັກສາການເກັບສະສົມແຜ່ນສຽງຂອງບົດເພງສາກົນຮ່ວມສະໃໝແລະການບັດທຶກຄຳປາໃສໂດຍບຸກຄົນທີ່ມີຊື່ສຽງຈາກຍຸກໂຊວຽດຫຼາຍກວ່າ 900 ແຜ່ນແລະດົນຕີລາວທັງຮູບແບບອານາລອກແລະດີຈີຕໍ.

http://www.seasite.niu.edu/lao/

ການເກັບສະສົມປຶ້ມສະໃໝອິນດູຈີນທີ່ຫາຍາກ

ຫໍສະໝຸດຍັງຮັກສາການເກັບສະສົມປຶ້ມແລະບົດຄວາມດ້ານວິຊາການຈາກສະໃໝອິນດູຈີນຂອງຝຣັ່ງ (ປະມານຊຸມປີ 1870 – 1954) ຈຳນວນຫຼາຍກວ່າ 4000 ຊຸດ. ປຶ້ມແລະບົດຄວາມເຫຼົ່ານີ້ສ່ວນໃຫຍ່ເປັນພາສາຝຣັ່ງແລະລວມມີຮູບຖ່າຍ, ຮູບພິມແລະຮູບແຕ້ມປະກອບ. ການເກັບສະສົມນີ້ສະໜອງຂໍ້ມູນເລິກເຊິ່ງທີ່ຫາຍາກແລະເປັນເອກະລັກຂອງລາວໃນຍຸກການເປັນເມືອງຂຶ້ນ.

 

ການເຮັດແຜນທີ່ແລະແຜນທີ່

ຫໍສະໝຸດມີການເກັບສະສົມແຜນທີ່, ແຜນຜັງແລະແຜນວາດຫຼາຍກວ່າ 200 ແຜ່ນທີ່ກ່ຽວກັບລາວ, ບັນດາແຂວງແລະຕົວເມືອງວຽງຈັນ ກັບບາງສະບັບນັບຢ້ອນຫຼັງໄປສະໄໝເປັນເມືອງຂຶ້ນຝຣັ່ງ (ກ່ອນປີ 1955).