ຫໍສະໝຸດແຫ່ງຊາດ ຮ່ວມກັບ ສູນວັດທະນະທຳຈີນ ແລະ ວິທະຍຸສາກົນແຫ່ງປະເທດຈີນ (CRI) ປະຈຳລາວ ໄດ້ຈັດງານສັບປະດາຮູບເງົາຈີນ ຄັ້ງທີ II ເພືອເປັນການສົ່ງເສີມແລກປ່ຽນດ້ານວັດທະນະທຳ ຮິດຄອງປະເພນີ ແລະ ຄວາມເຂົ້າໃຈເຊີ່ງກັນ ແລະ ກັນຂອງປະຊາຊົນສອງຊາດລາວ-ຈີນ ພິທີໄດ້ເປິດຂື້ນຢ່າງເປັນທາງການ ໃນຕອນເຊົ້າຂອງວັນທີ 01 ເມສາ 2019 ທີ່ຫໍສະໝຸດແຫ່ງຊາດ ໂດຍມີແຂກເຂົ້າຮ່ວມດັ່ງນີ້:

1. ທ່ານ ວົງຈິດ ພົມມະຈັກ ຮອງຫົວໜ້າ ກົມຮູບເງົາ

2. ທ່ານ ບຸນໄຊ ຄຳພູມີ ຮອງຫົວໜ້າ ກົມພິມຈຳໜ່າຍ

3. ທ່ານ ຄຳພູ ເພຍສັກຂາ ຮອງຫົວໜ້າກົມຮ່ວມມືສາກົນ

4. ທ່ານ ນາງ ຂັນທະມາລີ ຍັງນຸວົງ ຜູ້ອຳນວຍການຫໍສະໝຸດແຫ່ງຊາດ

5. ທ່ານ ນາງ ພອນມະນີ ຕາງໜ້າສູນວັດທະນະທຳຈີນ

ພ້ອມດ້ວຍບັນດາພະນັກງານ,ຄູ, ອາຈານ ແລະ ນ້ອງນັກຮຽນຈາກໂຮງຮຽນປະຖົມສີວິໄລ,ໂຮງຮຽນປະຖົມ ແລະ ມັດທະຍົມ SOS ຈຳນວນ 150 ຄົນ ເຂົ້າຮ່ວມຢ່າງພ້ອມພຽງ